Leita í fréttum mbl.is

Gerið eitthvað núna!

Það er alveg algjörlega óþolandi að hlusta á svona yfirlýsingar frá þjálfara. Dómarar eiga misjafna daga en það að saka þá um óheilindi á ekki að líðast.

KSÍ gerði ekkert í sumar og við horfðum upp á hlutina leysast upp í farsa. Nú heimta ég aðgerðir. Viggó á ekki að komast upp með svona kjaftæði.

Ég mæli með svona 6 leikja banni. Það ætti að kenna manninum að haga sér ekki eins og spilltur krakki! Gjörsamlega óþolandi.


mbl.is Viggó Sigurðsson: Annar dómarinn var á móti okkur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Sæll Stefán Bogi, les oft bloggið þitt og hef gaman að. Ég hef mikinn áhuga á íþróttum og fylgist vel með jafnt innanlands sem utan.

Vissulega er það rétt sem Guðmundur segir hér að ofan að dómarar eru ekki hafnir yfir gagnrýni, en í tilfelli Viggós er þetta í besta falli hlægilegt. Ég ætla að leyfa mér að gagnrýna hann hér fyrir það að takast alltaf að gagnrýna dómara eftir hvaða leik sem er, hvort sem hans lið vinnur, tapar, eða eins og í þetta skiptið gerir jafntefli. Hann er dæmi um mann sem hefur alltaf allt á hornum sér hvað dómgæslu varðar og sýnir, að mér finnst, oft andstæðingunum vanvirðingu með þessu þar sem hann er að gera lítið úr þeirra frammistöðu því þeirra hagur er víst allur dómurunum að kenna.

Þess vegna má HSÍ alveg líta á þessi ummæli.

Róbert Jóhanns (IP-tala skráð) 17.10.2008 kl. 00:50

2 identicon

hsí setti sjálfu sér talsvert fordæmi í fyrra þegar Aðalsteinn Eyjólfsson var dæmur í langt keppnisbann, nú er spurning hvort þeir þora að refsa Viggó.

Hitt er svo annað og ánægjulegra mál og það er þetta FH lið, ég verð að segja að ég er gríðarlega hrifinn af því sem okkar gamli smíðakennari er að byggja upp í Hafnafirðinum. Ég hitti Elvar einmitt skömmu eftir að hann hafði tekið við liðinu s.l. sumar og nefndi þá við hann hversu góðan efnivið hann hefði.  Hann sagði þá að það væri ekki alltaf nóg að hafa góðar spýtur til að byggja gott hús en mér sýnist honum bara vera að takast að byggja fjandi gott hús úr þessum spítum.

Pétur F. (IP-tala skráð) 17.10.2008 kl. 02:25

3 identicon

Þegar ég segi sl sumar á ég að sjálfsögðu við sumarið 2007, þar sem það er enn sumar í Budapest :)

Pétur F. (IP-tala skráð) 17.10.2008 kl. 02:28

4 identicon

Gagnrýni á störf dómara getur verið af ýmsum toga. Að saka dómara um að koma inn á völlinn til að draga taum annars liðsins er ekki gagnrýni. Það er nöturleg persónuleg árás og Viggó Sigurðsson verðskuldar ekkert annað en bann.

Zunderman (IP-tala skráð) 20.10.2008 kl. 11:38

5 identicon

Held að það væri réttast að senda Viggó í langt frí frá handbolta. Þessi maður er að eyðileggja sportið með endalausum fúkyrðum og formælingum á hliðarlínunni, kemur síðan með einskonar afsökunarbréf sem á greinilega að vera voða fyndið. Ég legg til að HSÍ dæmi Viggó í langt bann, en hluti af banninu gæti falist í því að dæma nokkra leiki í karla og kvennaboltanum.

Svenni (IP-tala skráð) 23.10.2008 kl. 02:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband