Þetta var bara alvöru

Sit uppi á 6. hæð í Lágmúlanum. Því ofar sem maður er því meira magnast tilfinningin skylst mér og ég get vel trúað því, því mér fannst þetta heilmikið. Traust mitt á íslenskum verktökum var þó slíkt að ég hreyfði mig ekki úr sæti.

Vinnufélagi minn segist handviss að þetta hafi verið stærri skjálfti en Suðurlandsskjálftinn hér um árið. Það verður gaman að sjá hvort það er rétt.

Magnað að upplifa náttúruna svona, en jafnvel enn magnaðra að maður skuli búa svo vel að þurfa ekki að óttast hörmungar og hrun húsa eins og ýmsar aðrar þjóðir.

Við Íslendingar erum heppnir og skulum ekki gleyma því.

Afar öflugur jarðskjálfti

Athugasemdir

[Sigríður Jósefsdóttir, 29.5.2008 kl. 16:11]

Ég hélt nú til að byrja með að þeir væru að sprengja í Reynisvatnsásnum (er sem sagt heima hjá mér), og ætlaði að fara að hringja í borgarstjórann og skammast......