Risavaxnar áskoranir

Ég hef mjög mikla trú á Barack Obama. Mér finnst hann vera fær og öflugur stjórnmálamaður með hjartað á réttum stað. Hallur Magnússon flokksbróðir minn heldur því fram að Obama sé Framsóknarmaður. Það hljómar kannski pínu hallærislega en ég er eiginlega sammála honum.

Eftir að hafa lesið bókina hans, The audacity of hope, þar sem hann rekur skoðanir sínar og lífssýn er mér alveg ljóst að þarna fer miðjumaður. Hann er félagshyggjumaður sem skilur þörfina fyrir öflugt og frjálst atvinnulíf og mikilvægi menntunar í uppbyggingu samfélagsins. Hann vill leggja þunga áherslu á millistéttina og að tryggja að allir hafi atvinnu. Það er mikilvægt fyrir reisn einstaklingsins.

Obama stendur frammi fyrir gríðarlegu verkefni sem er að reisa efnahag bandaríkjanna úr rústum. Þar er hann ekki síst að glíma við vandræði húsnæðismarkaði, vandræði sem við Íslendingar gætum staðið frammi fyrir fyrr en nokkurn varir.

Framsóknarflokkurinn vill bregðast við með markvissum aðgerðum og ein þeirra er 20% niðurfelling íbúðarlána. Þessi hugmynd hefur verið gagnsýnd og er ekki alfullkomin frekar en aðrir kostir í stöðunni en þetta myndband hér útskýrir kostina einstaklega vel. Hvet alla til að kynna sér það forrrrrrdómalaust.

Með eigin þotu, þyrlu, bíl, lækna og kokka

Athugasemdir

[Historiker, 31.3.2009 kl. 22:02]

Að vera "félagshyggjumaður sem skilur þörfina fyrir öflugt og frjálst atvinnulíf og mikilvægi menntunar í uppbyggingu samfélagsins" er að vera krati.

[Guðmundur St Ragnarsson, 31.3.2009 kl. 23:00]

Já kratar skilja þörfina en vilja ekki eða geta ekki fullnægt henni!