Einkaher?

Það er þekkt í sögunni að valdamiklir menn hafa viljað koma sér upp sérstökum lífverði með einhverja sérstaka eiginleika. Einhvers staðar las ég að einn að síðustu landstjórum Túnis, með titilinn Bey, hafi komið sér upp einkaher dverga. Mig minnir líka að einhver af Prússakeisurunum hafi komið sér upp lífverði manna sem allir voru yfir tveir metrar á hæð. Úr heimi kvikmyndanna þekkjum við svo líka tilhneigingu svokallaðra ofurillmenna til að koma sér upp einkalífverði fagurra en morðóðra kvenna.

Ég veit ekki hvað það segir um Björn Bjarnason, en mér sýnist hann vera að vinna í því að koma sér upp einkaher miðaldra, nauðasköllóttra og illilegra karlmanna með gleraugu. Mætti ég þá frekar biðja um fagrar konur, nú eða dverga.

 

 

 

 

 

 

Ráðinn aðstoðarmaður Björns Bjarnasonar

Athugasemdir

[Ari Guðmar Hallgrímsson, 6.3.2008 kl. 13:09]

Það er heilmikið til í þessu hjá þér.

Kveðja

[Bjarni Harðarson, 6.3.2008 kl. 13:44]

...stórmerkilegt. þetta eru ekki tvífarar heldur þrífarar hvað sem málnefndir segja nú um það orð!

[Kolbrún Ólafsdóttir, 6.3.2008 kl. 13:50]

Hehehe skemmtileg pæling en mikið er ég glöð að sjá þig kominn til baka á bloggvöllinn!!!

[Guðjón Sigþór Jensson, 6.3.2008 kl. 13:57]

Sennilega er margt misjafnt sagt um Björn sem hann á ekki skilið. Þetta tal um einkaher hans er t.d. nokkuð sem á að öllum líkindum ekki við nein rök að styðjast. Til þess erum við Íslendingar einfaldlega of fáir að geta staðið í svona hernaðartilburðum.

Verður ekki að gera greinarmun á því sem unnt er að hafa beint eftir einhverjum og því sem aðrir hafa um sama mál að segja? Við verðum að varast djarfar ályktanir og jafnvel rangtúlkanir. Það er engum til framdráttar.

Önnur leiðrétting: Þjóðhöfðingi Prússa var konungur ekki keisari og hafði hann lengst af titilinn: Kóngur í Prússlandi, eða upp á þýsku: Der König in Preussen - ekki von Preussen. Ástæðan var sú að upphaflega var Prússland hluti Póllands og er það ekki fyrr en eftir Pólland veikist á 18. öld og það leyst endanlega upp undir lok þeirrar aldar að Prússakóngur tekur upp titilinn Der König von Preussen. Þjóðhöfðingi þessi bjó lengi vel í Berlín en síðar kóngshöllinni frægu Sans, souici við Brandenburg skammt utan við Berlín.

Friðrik II. sem lengi var þekktastur meðal prússneskra þjóðhöfðingja, hafði mikið dálæti á hávöxnum hermönnum.

Með bestu kveðjum

Mosi - alias

[Gutti (IP-tala skráð) 6.3.2008 kl. 14:00]

Og verðlaunin fyrir lélegasta skopskyn bloggheimsins fær.......... Guðjón Jensson

[Björg Eyþórsdóttir (IP-tala skráð) 6.3.2008 kl. 14:41]

allt örugglega mjög satt og rétt hjá þér kæri guðjón... en eitthvað segir mér nú að þessi bloggfærsla hafi meira verið í gríni gerð en einhverri há-alvöru. Tsjiiill. :)

nokkuð mikil til í þessu hjá þér stefán, þetta eru illilegir menn með beran skallan. Það veit ekki á gott. Og hvað þá að björn bjarnason sé að sanka þessum köllum af sér, það veit líklega bara á enn verra!

[Björg Eyþórsdóttir (IP-tala skráð) 6.3.2008 kl. 14:42]

afsakið.. sanka AÐ sér. pirrar mig fátt jafn mikið og stafsetningarvillur hjá sjálfri mér.

[Skaz, 6.3.2008 kl. 15:31]

Var einmitt að hugsa með mér hvað þessi nýi aðstoðarmaður væri kunnulegur, las svo nafnið....neibb kannast ekkert við 'ann.

 Svo er bara staðreyndinn að maður er alltaf að sjá þessa "hermenn" hans Bjössa

[Skaz, 6.3.2008 kl. 15:39]

eh og já Guðjón við erum alls ekki of fá til að halda úti her til landvarna, sérstaklega í ljósi þess að Malta og Lúxemburg sjá sér fært að gera það með álíka mannfjölda og við....

 Sér í lagi með það að tilliti að hægt er að verja Ísland án þess að eiga þungavopn á borð við skriðdreka o.s.frv. 

[Þórir Brjánn (IP-tala skráð) 6.3.2008 kl. 17:30]

Eina sem ég vil benda á er að Þórir Hrafnsson er mikið ljúfmenni og vel liðinn þar sem hann starfaði áður. Hann hlýtur að vera góð viðbót í starfslið ráðuneytisins.

[Hrafnhildur Gunnarsdóttir (IP-tala skráð) 6.3.2008 kl. 18:45]

Tek undir með síðasta ræðumanni, Þórir var, og er örugglega, eitt mesta ljúfmenni sem ég hef umgengist. Álit mitt á Birni Bjarnasyni hefur tekið stökk við þessa ráðningu. Vonandi tekst Þóri að sannfæra dómsmálaráðherra um nauðsyn þess að koma á her ljúfmenna í stað vopnaðrar lögreglusveita sem virðist því miður stefna í hjá Birni. Og hey Þórir er tæplega miðaldra... hann er jafngamall mér!!!

[Flosi Kristjánsson, 6.3.2008 kl. 20:54]

Come on, Stefán! Illilegir gleraugnaglámar! Þetta eru ljúflingar allt saman - ja, að minnsta kosti tveir