Meistari fallinn frá

Með Ármanni Snævarr er genginn einn af risum íslenskrar lögfræði. En mér er minnistæðast að hafa sem laganemi hitt Ármann á góðum stundum. Hann var hress og skemmtilegur maður sem lét stundum sjá sig á viðburðum tengdum félagslífi laganema, sérstaklega ef erlendir gestir voru í heimsókn. Erlendum laganemum þótti undantekningarlaust upphefð að því þegar þessi gamli meistari tók þá tali og hann var iðulega miðdepill athyglinnar og hrókur alls fagnaðar.

Ef Ármann átti erindi í Lögberg spjallaði hann oft við nemendur og spurði tíðinda. Maður fékk á tilfinninguna að honum þætti vænt um fagið, deildina, bygginguna og þá sem í henni hrærðust. Því þótti mér líka sjálfkrafa vænt um Ármann þótt ég ekki þekkti hann persónulega. Ég vil votta fjölskyldu Ármanns samúð mína.

Ármann Snævarr látinn

Kannski þarf maður að hætta við

Ég var nefnilega spurður að því í athugasemd hvort ég væri ekki of feitur.

Shit! Ég steingleymdi að hugsa út í það. Ég er sennilega of feitur til að fara í framboð.

Þar fór það. Það vita allir að feitt fólk getur ekki farið í framboð.

Stefán Boga í fyrsta sætið

Ég gef kost á mér til að skipa fyrsta sætið í prófkjöri Framsóknarflokksins á Fljótsdalshéraði sem fram fer 6. mars. Þetta tilkynnti ég á laugardagsfundi FHB núna áðan og fékk að eigin mati góðar undirtektir. Framboðsfrestur í prófkjörið rennur út á miðnætti á morgun en nokkrir hafa þegar lýst yfir framboði og mér lýst vel á hópinn.

Ég ákvað að bjóða mig fram vegna þess að ég held að ég geti orðið góður leiðtogi í öflugum hópi framsóknarmanna hér á svæðinu. Við þurfum á breytingu að halda í sveitarfélaginu. Það er komin veruleg valdþreyta hjá meirihlutanum og því miður hefur það orðið of áberandi að embættismenn sveitarfélagsins ráði í raun öllu innan þess. Það vinnur margt gott fólk hjá sveitarfélaginu en lýðræðið gerir ráð fyrir því að það séu hinir kjörnu fulltrúar sem ráða ferðinni. Þeir eiga að bera ábyrgðina gagnvart sínum umbjóðendum, en ekki embættismennirnir. Embættismennirnir eiga að framfylgja stefnunni en ekki móta hana. Til þess þarf öflugt og kjarkað lið og framsóknarmenn eru ekki hræddir við að taka af skarið í þeim efnum.

Þó að sveitarfélagið glími við erfitt rekstrarumhverfi í dag og að meirihluti Sjálfstæðismanna og Héraðslistans skili ekki of góðu búi, þá eru til staðar tækifæri sem á að nýta. Ég vil sjá sókn í atvinnumálum. Við þurfum að búa fyrirtækjum hér þau skilyrði að það verði eftirsóknarvert að vera staðsett hér í sveitarfélaginu. Það er gömul saga og ný að sitjandi kráka sveltur en fljúgandi fær og við megum ekki láta bölmóðinn sem ríkir drepa okkur í dróma um of. Tækifærin eru til staðar og við framsóknarmenn ætlum okkur að nýta þau með bjartsýni að leiðarljósi. Við eigum mikla möguleika t.d. í ferðaþjónustu og menningarlífinu og hvoru tveggja hef ég áhuga á að nýta.

Ég mun vera virkur í baráttunni fram að prófkjöri og eftir það og hvet alla sem áhuga hafa á að starfa með mér, spyrja mig spurninga eða þjarma að mér, til að hafa samband. Síminn er 694-5211 og netfangið [e-mail].

Góð framganga Sigmundar

Formaður Framsóknarflokksins sýnir nú fram á bestu eiginleika sem framsóknarmenn hafa til að bera.

Flokkurinn er staðsettur á miðjunni og hefur verið vinsæll til samstarfs. Ástæðan er m.a. sú að það er innbyggt í stefnu og grunngildi flokksins að takast af ábyrgð á við erfið málefni. Hafna engum lausnum fyrirfram og vera tilbúinn og einarður í þeirri afstöðu að finna sameiginlega bestu lausnir á öllum vandamálum.

Flokkurinn er vitaskuld líka fastur fyrir og það kemur fyrir að það þarf að berjast hart fyrir mikilvægum málum. En sterkastur er flokkurinn þegar hann tekur forystu um úrlausn mála á erfiðum tímum.

Sigmundur Davíð er hér að sýna sitt besta andlit og sýnir hvers vegna framsóknarflokkurinn treysti honum fyrir formennsku í flokknum.

Segja um góðan fund að ræða

Það sem ríkisstjórnin gæti gert

Þetta finnst mér eiginlega borðleggjandi að eigi að gera. Í 3. mgr. 11. gr stjórnarskrárinnar segir eftirfarandi:

Forseti verður leystur frá embætti, áður en kjörtíma hans er lokið, ef það er samþykkt með meiri hluta atkvæða við þjóðaratkvæðagreiðslu, sem til er stofnað að kröfu Alþingis, enda hafi hún hlotið fylgi 3/4 hluta þingmanna …1) Þjóðaratkvæðagreiðslan skal þá fara fram innan tveggja mánaða, frá því að krafan um hana var samþykkt á Alþingi, og gegnir forseti eigi störfum, frá því að Alþingi gerir samþykkt sína, þar til er úrslit þjóðaratkvæðagreiðslunnar eru kunn.

Ætti ekki ríkisstjórnin, sem án efa gæti fengið stuðning 15-20 stjórnarandstöðuþingmanna, að leggja til að kosið yrði um áframhaldandi embættissetu Ólafs Ragnars um leið og kosið verður um lögin? Það eru margir sem telja að hann eigi hvort sem er að víkja ef lögin verða samþykkt í þjóðaratkvæði, en er ekki hreinlegra að það verði kosið um það sérstaklega? Þá er öruggt að snillingurinn geti ekki túlkað hina atkvæðagreiðsluna sér í vil hvernig sem hún fer.

Úr því að það á að draga mig að kjörborðinu hvort sem mér líkar betur eða verr, þá vil ég gjarnan fá að kjósa um framtíð Ólafs í embætti. Hann getur varla verið andvígur því að leggja verk sín í dóm þjóðarinnar.

Mikil reiði í stjórnarliðinu vegna ákvörðunar og framkomu forseta

Gömul saga og ný

Ég hef líka í gegnum tíðina og sem framsóknarmaður haft töluverð samskipti við kommúnista. Er t.a.m. með tveimur í Útsvarsliði Fljótsdalshéraðs...

Gleðilegt nýtt ár. Munið þáttinn á föstudag.

Framsókn í samskiptum við kommúnista í A-Berlín

Af hverju ver knattspyrnusambandið ekki dómara sína?

Vælukór Alex Ferguson fer stækkandi og nú syngur Wayne Rooney drengjasópran. Og ekki minnkar söngurinn þó að varnarmaður United hafi komist upp með hreina líkamsárás á Didier Drogba í leiknum. Kunn þeir ekki neitt að skammast sín?

Af hverju er ekki tekið almennilega á svona ummælum? Ef leikmaður sakar dómara um óheiðarleika í leik þá er það rautt spjald. það að saka dómara um óheiðarleika eftir leik á að vera leikbann og ekkert annað.

En það gilda aðrar reglur um Manchester United, gulldrengi enska landsliðsins og skoska ellilífeyrisþega en aðra, það er orðið morgunljóst.

Gungur sem þetta geta verið. Hvernig halda menn að það muni ganga að auka virðingu fyrir störfum dómara þegar menn komast upp með svona lagað.

 

Rooney fékk viðvörun

Hverjir standa sig

Í tilefni af umfjöllun um mikilvægi siðvæðingar í stjórnmálum og að upplýsingar um fjármál liggi fyrir allra augum þá hef ég ákveðið að taka saman upplýsingar um það hverjir af stjórnmálaflokkunum eru að standa sig best hvað þetta varðar, sé litið til skila á gögnum til Ríkisendurskoðunar um kostnað frambjóðenda í prófkjörum og forvali fyrir kosningarnar í vor. Upplýsingarnar eru hér. Staðan er svona:

Sæti  Flokkur                                        Heildarfjöldi    Skil Hlutfall

1.       Framsóknarflokkur                        48                   48   100%

2.       Samfylkingin                                 51                   50    98%

3.       Sjálfstæðisflokkur                          85                   74    87%

4.       Vinstri hreyfingin grænt framboð      103                 84    82%

5.       Frjálslyndi flokkurinn                       6                      1     17%

Ég vil auðvitað byrja á að hrósa mínu fólki og jafnframt gefa þeim sem alltaf reyna að nudda okkur upp úr spillingarskít sem við eigum ekki skilið langt nef.

Næst vil ég benda á slælega frammistöðu íslandsmeistaranna í siðapredikun, Vinstri hreyfingarinnar græns framboðs, í þessum efnum. Ég hef þá skýringu að félagar í þeim floki trúa því virkilega að þau séu bara svo góð og heiðarleg að um þau gildi einhvers konar aðrar reglur. Lög eins og þessi sem sett voru séu fyrir annað og verra fólk en þau sjálf. En lögum þarf að fylgja og skila þeirri, til þess að gera, einföldu yfirlýsingu sem þeir mega fylla út sem eyddu innan við 300.000 krónum í sína baráttu. Allir þeir 19 frambjóðendur flokksins sem eiga eftir að skila uppfylla örugglega það skilyrði, en þeir verða samt að skila yfirlýsingunni!

Eini sitjandi þingmaðurinn sem ekki hefur skilað sínum upplýsingum er Árni Johnsen. Hann þumbaðist líka lengi við að skila upplýsingum um fjárhagslega hagsmuni sína til þingsins. Hann er nú skráður hagsmunalaus þar.

Frjálslyndi flokkurinn er hættur að reyna. Þegar formaður flokksins getur ekki einu sinni skilað frá sér yfirlýsingu til Ríkisendurskoðunar um fjármál í prófkjöri að þá er ástandið aumt.

Leiðrétt 6/11 kl. 3:26 - Í kjölfar hæðnislegrar athugasemdar vestan frá Bandaríkjunum leiðrétti ég villu í tölum VG. Skil þeirra hækkuðu um 2 prósentustig því ég hafði oftalið heildarframbjóðendur um tvo.