Hvernig er þetta hægt???

Ná að bjarga prentútgáfunni en klúðra vefnum! Ég hefði skilið ef þetta hefði verið á hinn veginn.

Sé Jón „Trausta“ fyrir mér hlaupandi berhöfðaðan á stuttermabolnum hlaupandi niður í prentsmiðju gargandi „NEEEEEIIIIIII......“. Ná í örvæntingu í dyragættina „STÖÐVIÐ VÉLARNAR“.

Fara svo heim og sofna svefni hinna réttlátu...

...og gleyma að logga sig inn á netið!

Breyttur leiðari DV

Tak hatt þinn...

Vertu blessaður Reynir.

Upptaka af útskýringum ritstjóra DV

Ég held mig við mína spá, en hækka um tvo

Í upphafi kjörtímabilsins var mikið talað um að það væru tvennar breytingar sem væru þegar ákveðnar. Björn Bjarnason myndi hætta og frændi hans, Bjarni Benediktsson kæmi í staðinn. Ég held að þetta verði niðurstaðan. Hin breytingin sem spáð var þá var að Sturla Böðvarsson myndi hætta á þingi og Jóhanna Sigurðardóttir yrði gerð að þingforseta. Þetta hef ég alltaf sagt að sé rangt. Ég spáði því þá og spái því enn að Sturla hætti, en Ingibjörg muni skáka Össuri í hvíldarembætti þingforseta.

Nú er komin upp að auki sú staða að helstu peningaköllum ríkisstjórnarinnar er varla sætt lengur. Ég spái því að Árni Mathiesen og Björgvin G. verði látnir víkja núna. En hver kemur í staðinn fyrir þessa garpa?

Eins og áður sagði spái ég því að Bjarni Benediktsson verði nýr dómsmálaráðherra. Nýr fjármálaráðherra held ég að verði Guðlaugur Þór Þórðarson en í hans stað verði Ásta Möller heilbrigðisráðherra. Landsbyggðin missir einn ráðherra og gengið verður fram hjá Arnbjörgu frænku minni þingflokksformanni. En konur fá einn ráðherrastól til viðbótar.

Í Samfylkingunni held ég að Gunnar Svavarsson fái tækifæri og verði gerður að iðnaðarráðherra. Ég hugsa að Hafnfirðingar verði ekki glaðir fyrr en það verður. Ég ætla svo að leyfa mér að spá því að gamli iðnaðarráðherrann, Jón Sigurðsson (krati) verði dubbaður upp í helminginn af sínu gamla ráðuneyti og verði gerður viðskiptaráðherra. Honum verði falið eitthvað ofurhlutverk í endurskipulagningu bankakerfisins enda litið á hann sem einhvers konar hálfguð í röðum Samfylkingarmanna.

Svona er spáin mín. Ef þetta er allt vitlaust megið þið hlæja að mér.

Uppstokkun fyrir áramót

Anda með nefinu

Ég ætla ekki að tapa mér úr hneykslun. Kallinn gerði klaufaleg mistök. Afleiðingarnar eru hins vegar nokkuð alvarlegar. Trúnaðarupplýsingar eru opinberaðar og það er aldrei gott.

En þó ég haldi að Þorleifi sé hugsanlega sætt áfram (fer mikið eftir afstöðu viðkomandi fjölskyldu finnst mér) þá vekur þetta mál athygli á einu atriði sem mér hefur oft þótt einkenna Vinstri hreyfinguna grænt framboð.

Mér finnst einstaklingar þar innan borðs oft reiðubúnir að nota sér persónulegar hörmungar til þess að skora pólitísk stig. Á hinn bóginn má segja að ef menn eru í raun að berjast fyrir hagsmunum viðkomandi þá kunni saga hans að eiga erindi við fjölmiðla. 

Annars er þetta mál áminning til allra stjórnmálamanna um að gæta sín og að kannski á ekki allt erindi við fjölmiðla.

Sendi bréf í leyfisleysi

Eftir þessar yfirlýsingar...

...líður mér betur með það að Guðni ákvað að hætta sem flokksformaður.

Hefði jafnvel átt að segja Ísland úr NATÓ

Ekkert sérstakur saksóknari?

Jú nú er komið að því að skipa saksóknara. Samkvæmt auglýsingunni þarf hann að uppfylla sömu skilyrði og umsækjendur um embætti héraðsdómara sem eru helst þessi:

1. Hefur náð 30 ára aldri.
2. Hefur íslenskan ríkisborgararétt.
3. Er svo á sig kominn andlega og líkamlega að hann geti gegnt embættinu.
4. Er lögráða og hefur aldrei misst forræði á búi sínu.
5. Hefur hvorki gerst sekur um refsivert athæfi sem telja má svívirðilegt að almenningsáliti né sýnt af sér háttsemi sem getur rýrt það traust sem dómarar verða almennt að njóta.
6. Hefur lokið embættisprófi í lögfræði eða háskólaprófi í þeirri grein sem metið verður því jafngilt.
7. Hefur í minnst þrjú ár verið alþingismaður eða stundað málflutningsstörf að staðaldri eða gegnt lögfræðistörfum að aðalstarfi hjá ríkinu eða sveitarfélagi, en leggja má saman starfstíma í hverri af þessum greinum.

Vikið er frá skilyrði um að ekki megi skipa einstakling sem er eldri en 70 ára. Eins er sérstaklega tekið til þess að ef skipaður verði dómari í embættið þá fái hann leyfi frá störfum. Maður er svo vanur hönnuðum auglýsingum að maður fór ósjálfrátt að leita að einstaklingi sem er yfir sjötugu, hugsanlega dómara. Það er samt kannski ekki ástæða til þess að ætla að búið sé að ákveða fyrirfram hver fái embættið. 70 ára reglan er náttúrulega sett því það er kjánalegt að skipa svo gamlan einstakling í varanlegt embætti eins og dómarastarf. Öðru máli gegnir um svona tímabundið verkefni.

En við skulum vinda okkur í giskleikinn. Hann er svo skemmtilegur.

1. Ragnar Aðalsteinsson. Andrés Jónsson vill hann. Ég er ekki hrifinn. Held þetta yrðu nornaveiðar undir hans stjórn.

2. Stefán Eiríksson. Björn Ingi nefndi hann. Held ekki, hann er í ágætum málum sem lögreglustjóri og myndi held ég ekki henta í þetta.

3. Jóhann Ragnar Benediktsson. Annar sem Björn Ingi nefndi. Sjáið þið Björn Bjarnason skipa hann í embætti?

4. Jónatan Þórmundsson. Einn af fáum sem hefur beinlínis reynslu af því að vera sérstakur saksóknari. Það er hins vegar umdeilt hversu vel hann stóð sig þá. Er yfir sjötugu. Gæti það verið ástæðan fyrir þeirri reglu?

5. Lára V. Júlíusdóttir. Þrautreyndur lögmaður.

6. Sigríður Friðjónsdóttir. Þrautreyndur saksóknari sem fékk ekki embætti ríkissaksóknara. Kæmi til greina. Kannski ókostur að skipa samt hefðbundinn saksóknara.

7. Jón H.B. Snorrason. Mun pottþétt sækja um. Er óhæfur.

8. Sigurður Tómas Magnússon. Saksóknari í Baugsmálinu. Er það kostur eða galli? Veit það ekki.

9. Eiríkur Tómasson. Toppmaður. Hefur samt eldað grátt silfur við ráðherra og tengsl hans við Framsóknarflokkinn gætu orðið til að hin fordómalausa Vinstrihreyfing sæi rautt. Ég treysti honum eiginlega alltaf best allra til góðra verka.

10. Guðjón Ólafur Jónsson. Ef menn vilja virkilega negla þessa gaura þá senda menn Guðjón Ólaf fram á völlinn. Hann skilur engan eftir uppistandandi...

11. Ingibjörg Benediktsdóttir. Frægur nagli úr dómarastétt. Situr nú í Hæstarétti. Kemur vel til greina.

12. Róbert Ragnar Spanó. Greindur, metnaðargjarn og óhræddur við stór verkefni.

13. Björg Thorarensen. Með báða fætur á jörðinni. Er þó tæplega á hennar sérsviði að stunda saksókn.

14. Helgi I. Jónsson. Dómstjóri Héraðsdóms Reykjavíkur og öflugur maður.

15. Brynjar Níelsson. Þetta er sá sem ég vill fá. Ég er kannski litaður af persónulegum kynnum við manninn, en mér finnst hann vera snillingur. Hann mun ekki leggja af stað til þess að hengja bara einhverja, en hann mun heldur ekki leyfa mönnum að komast upp með neitt kjaftæði.

Ég ætla að láta staðar numið hér. Hægt væri að nefna marga fleiri, sérstaklega þá úr dómarastétt, sem koma til greina. Ég er spenntur fyrir að lögmaður fái þetta hlutverk en gallinn er sá að mjög margar lögmannsstofur, sérstaklega þær stærstu, hafa tengst bönkunum.

Það eykur líka spennuna að allir flokkar á Alþingi eiga að fá að segja sitt álit, svo að það verður smá skammtur af pólitík í þessu líka.

Stóra spurningin er svo aftur, hver vill embættið? Er ekki tryggt að viðkomandi verður alltaf hengdur af múgnum og fjölmiðlum ef hann tjargar ekki og fiðrar alla útrásarsnillingana, sama hvað tautar og raular. Kannski ekki spennandi vinnuumhverfi þessi múgæsing sem er í gangi, þó vissulega sé tilefni til ákveðinnar reiði.

Embætti sérstaks saksóknara auglýst

Ég er aðdáandi beggja...

...og vil fá þá báða til Liverpool.

There. I said it. Nú megið þið gera grín að mér.

Wenger sagður ætla að losa sig við Gallas og Bendtner

Fundur ársins?

Hvað getur maður sagt?

Ástæður þess að Hálfdrættingurinn ætti að segja af sér eru orðnar svo margar að mér endast ekki fingurnir til að telja þær allar.

Það er eiginlega sorglegast að það væri best fyrir hann sjálfan pólitískt. Hefði a.m.k. verið það ef hann hefði fattað að gera það nógu snemma.

Nú hangir hann bara í stólnum. Eina skynsamlega ástæðan sem ég sé er að í ljósi hækkunar gjaldeyrislána á húsinu hans, þá megi hann ekki við að lækka í launum.

Viðbót 13:08:

Þessi fréttaskýring segir svo meira en mörg orð.

Viðbót 13:18

Af hverju er ekki hægt að setja tengil á einstakar fréttir á Vísi? Ég reyni núna að vista þessa skemmtilegu fréttaskýringu sem skjal og hengja það við færsluna. Sjáum til.

Veita enn ekki viðunandi svör

Skrár tengdar þessari bloggfærslu:

• Fréttaskýring á Vísi

Körfubolti

Ég hef gaman af körfubolta og þegar mínum mönnum í Hetti gengur ekki of vel (eins og núna í bili) þá skoða ég bara útlenskan körfubolta.

Ég er yfirleitt ekkert mjög hrifinn af sýndarmennsku, en þetta er rosalegasta troðsla sem ég hef séð. Þetta er bara asnalegt...

Svo er ég hrifinn af Tyler Hansborough. Hann spilar í háskólaboltanum og ákvað að klára skólann í stað þess að hætta og reyna fyrir sér í NBA. Illar tungur segja reyndar að það sé vegna þess að hann muni ekki vera jafn afgerandi leikmaður í NBA og hann er í háskóla. Hann sé of lítill til að ráða við stóru kallana þar og ekki nógu snöggur eða góð skytta til að fara að spila gegn minni mönnum.

Hvað sem því líður er þetta skemmtileg troðsla hjá honum. Aðallega vegna þess að fyrir honum er Kenny nokkur George sem er víst um 235 cm á hæð (7-7 til 7-9). Hann varð hins vegar fyrir þvi á þessu ári að fá slæma sýkingu og þurfti að taka af honum annan fótinn. Sorglegt. hefði verið gaman að sjá hvað hægt hefði verið að gera úr honum á körfuboltavellinum. Hér er smá umfjöllun um strákgreyið, áður en hann lenti í þessum hremmingum.

Síðasta hálmstráið

Opinber embættismaður hefur viðurkennt að vera að stunda pólitík í sínu embætti.

Ég eggja Geir Hilmar Haarde nú lögeggjan að láta manninn fara. Annars megi hann sitja undir því alla ævi að hafa verið of hræddur við endurkomu Davíðs til að gera það sem rétt og augljóst er.

Megi skömm hans uppi um aldir alda ef ekki verður eitthvað gert.

Miserfitt að hætta í pólitík