Já sæll!

Ég hef bloggað áður um valdhroka Geirs Hilmars, raunar tvisvar fremur en einu sinni, og enn á ný gefur hann tilefni til þess. Þessi meinlitli og dagfarsprúði maður á meiri „Dabba“ til í sér en margan gæti grunað.

Menn geta haft mismunandi skoðanir á því hvort einhverjir einstakir ráðherrar eigi að segja af sér eða ekki. En að reyna að segja að það komi engum við nema formönnum stjórnarflokkanna hverjir sitja sem ráðherrar, það er vandræðalegur hroki.

Manninum virðist bara ekki vera við bjargandi.

Vegið ómaklega að ráðherrum

Athugasemdir

[Flytúrbænum (IP-tala skráð) 11.11.2008 kl. 15:54]

Já, gildir það sama um Ingibjörgu "Dabba" Sólrúnu.

[Einar Sigurbergur Arason, 11.11.2008 kl. 22:46]

Hann er óneitanlega klaufalegur í viðbrögðum við því sem frá almenningi kemur, hann Geir. Fólk er óánægt og biður um að öxluð verði ábyrgð. Spurning hvort Geir væri ekki fyrsti ráðherrann sem ætti að víkja, ég er ekki að segja að allt sé slæmt sem hann gerir en hann er seinheppinn og ekki sá röskleikamaður sem við þyrftum núna. Plús að upplýsingaflæðið frá honum og hans liði er fátæklegt.