Óviðeigandi

Það er ágætt að leggja land undir fót og ræða við frændur okkar á Norðurlöndunum. Slíkt er bara gott, hvar í flokki sem menn standa.

Það er gott að leita nýrra leiða og valkosta. Slíkt er til marks um víðsýni og hliðlæga (lateral) hugsun.

Það að lýsa því yfir í fjölmiðlum að við getum vandræðalaust sótt um 2.000 milljarða lán frá Norðmönnum, eftir samtal við einn frekar sérvitran þingmann er pólitískur barnaskapur. Slíkt er ekki fallið til þess að leysa neinn vanda.

Það að bera á borð fyrir almenning slúðursögur og samsæriskenningar um að forsætisráðherra þjóðarinnar sé af annarlegum hvötum að vinna gegn lánveitingu getur í besta falli kallast óviðeigandi.

Slíkt er einkum og sér í lagi til þess fallið að setja niður virðingu þeirra sem þetta gera og að verða félögum þeirra og stuðningsmönnum til minnkunar.

Ummælin fráleitur þvættingur

Athugasemdir

[Rex (IP-tala skráð) 10.10.2009 kl. 14:07]

"Sigmundur Davíð kveðst hafa heimildir fyrir því að Jóhanna hafi beitt sér gegn risaláninu". Þetta hefur Mogginn eftir formanni Framsóknarflokks.

Krafan hlýtur því að vera: Sýndu okkur þessar heimildir strax Sigmundur Davíð, eða segðu ella af þér þingmennsku. Þetta er þvílík ásökun að ef fyrir henni er enginn fótur þá er Sigmundi Davíð ekki sætt á Alþingi Íslendinga. Lygar sem þessar, ef þetta reynist vera uppspuni, eiga að leiða sjálfkrafa til afsagnar á Alþingi Nýja Íslands.

[sæmundur (IP-tala skráð) 10.10.2009 kl. 14:40]

Hefði þá ekki verið sterkt af Jóhönnu , að í stað flaums af lýsingarorðum þá hefði hún treyst almenningi og bara birt þessi tölvusamskipti við Stoltenberg

[ASE (IP-tala skráð) 10.10.2009 kl. 14:58]

Mikið er gott að heyra loksins í einum Framsóknarmanni sem með fæturna á jörðinni.  Fyllir mann smá von.  

Getið þið Framsóknarfólk "með viti" ekki eitthvað þaggað niður í þessum mönnum, held að almenningur sé alveg að vera búinn að fá yfir sig nóg af þeim í bili.  Ástandið er nógu slæmt þó við þurfum ekki að vera eyða tíma og orku í svona augljósa "vitleysu". 

[Bjarni Kjartansson, 10.10.2009 kl. 17:06]

Ég er meira á því að trúa flokksmönnum þínnum.

Ef tekið er mið af fyrri gerðum hennar í tengslum við Húsbréfa og félagslegu íbúðirnar hér fyrr meir er ég frekar á því, að þeir fóstbræður hafi meira til síns máls en hún.

Hún leyfir sér, að koma með allslags yfirlýsingr um stöðu okkar ef við ekki leggjumst undir Breta og Hollendinga Á MEÐAN ER VERIÐ AÐ SEMJA YTRA.

Svona gera EKKI þeir sem unna hag þjóðarinnar. Svo mikið liggur fyrir.

Miðbæjaríhaldið

[Ómar Bjarki Kristjánsson, 11.10.2009 kl. 01:29]

Hvað hafa Nojarar oft lýst yfir því að lán væri skilyrt IMF prógramminu og að staðið yrði við skuldbindingar varðani Icesave ?

[bergur þorgeirsson (IP-tala skráð) 14.10.2009 kl. 18:24]

Hm, það er þá ekki einsleitni í paríinu!

Með bestu kveðjum

óskar í véum 

[Gunnar Þór Sigbjörnsson, 15.10.2009 kl. 23:29]

Kallar sig framsóknarmann,, en skrifar í anda samfylkingar .. sennilega merki um klofin persónuleika

Á hvaða forsendum dæmir þú viðræður þingmanna framsóknar slúður

Hefur þú eitthvað fyrir þér í því nema það sem þú lest í fréttum ?

varst þú kannski þarna í Noregi ?