Eftir þessar yfirlýsingar...

...líður mér betur með það að Guðni ákvað að hætta sem flokksformaður.

Hefði jafnvel átt að segja Ísland úr NATÓ

Ekkert sérstakur saksóknari?

Jú nú er komið að því að skipa saksóknara. Samkvæmt auglýsingunni þarf hann að uppfylla sömu skilyrði og umsækjendur um embætti héraðsdómara sem eru helst þessi:

1. Hefur náð 30 ára aldri.
2. Hefur íslenskan ríkisborgararétt.
3. Er svo á sig kominn andlega og líkamlega að hann geti gegnt embættinu.
4. Er lögráða og hefur aldrei misst forræði á búi sínu.
5. Hefur hvorki gerst sekur um refsivert athæfi sem telja má svívirðilegt að almenningsáliti né sýnt af sér háttsemi sem getur rýrt það traust sem dómarar verða almennt að njóta.
6. Hefur lokið embættisprófi í lögfræði eða háskólaprófi í þeirri grein sem metið verður því jafngilt.
7. Hefur í minnst þrjú ár verið alþingismaður eða stundað málflutningsstörf að staðaldri eða gegnt lögfræðistörfum að aðalstarfi hjá ríkinu eða sveitarfélagi, en leggja má saman starfstíma í hverri af þessum greinum.

Vikið er frá skilyrði um að ekki megi skipa einstakling sem er eldri en 70 ára. Eins er sérstaklega tekið til þess að ef skipaður verði dómari í embættið þá fái hann leyfi frá störfum. Maður er svo vanur hönnuðum auglýsingum að maður fór ósjálfrátt að leita að einstaklingi sem er yfir sjötugu, hugsanlega dómara. Það er samt kannski ekki ástæða til þess að ætla að búið sé að ákveða fyrirfram hver fái embættið. 70 ára reglan er náttúrulega sett því það er kjánalegt að skipa svo gamlan einstakling í varanlegt embætti eins og dómarastarf. Öðru máli gegnir um svona tímabundið verkefni.

En við skulum vinda okkur í giskleikinn. Hann er svo skemmtilegur.

1. Ragnar Aðalsteinsson. Andrés Jónsson vill hann. Ég er ekki hrifinn. Held þetta yrðu nornaveiðar undir hans stjórn.

2. Stefán Eiríksson. Björn Ingi nefndi hann. Held ekki, hann er í ágætum málum sem lögreglustjóri og myndi held ég ekki henta í þetta.

3. Jóhann Ragnar Benediktsson. Annar sem Björn Ingi nefndi. Sjáið þið Björn Bjarnason skipa hann í embætti?

4. Jónatan Þórmundsson. Einn af fáum sem hefur beinlínis reynslu af því að vera sérstakur saksóknari. Það er hins vegar umdeilt hversu vel hann stóð sig þá. Er yfir sjötugu. Gæti það verið ástæðan fyrir þeirri reglu?

5. Lára V. Júlíusdóttir. Þrautreyndur lögmaður.

6. Sigríður Friðjónsdóttir. Þrautreyndur saksóknari sem fékk ekki embætti ríkissaksóknara. Kæmi til greina. Kannski ókostur að skipa samt hefðbundinn saksóknara.

7. Jón H.B. Snorrason. Mun pottþétt sækja um. Er óhæfur.

8. Sigurður Tómas Magnússon. Saksóknari í Baugsmálinu. Er það kostur eða galli? Veit það ekki.

9. Eiríkur Tómasson. Toppmaður. Hefur samt eldað grátt silfur við ráðherra og tengsl hans við Framsóknarflokkinn gætu orðið til að hin fordómalausa Vinstrihreyfing sæi rautt. Ég treysti honum eiginlega alltaf best allra til góðra verka.

10. Guðjón Ólafur Jónsson. Ef menn vilja virkilega negla þessa gaura þá senda menn Guðjón Ólaf fram á völlinn. Hann skilur engan eftir uppistandandi...

11. Ingibjörg Benediktsdóttir. Frægur nagli úr dómarastétt. Situr nú í Hæstarétti. Kemur vel til greina.

12. Róbert Ragnar Spanó. Greindur, metnaðargjarn og óhræddur við stór verkefni.

13. Björg Thorarensen. Með báða fætur á jörðinni. Er þó tæplega á hennar sérsviði að stunda saksókn.

14. Helgi I. Jónsson. Dómstjóri Héraðsdóms Reykjavíkur og öflugur maður.

15. Brynjar Níelsson. Þetta er sá sem ég vill fá. Ég er kannski litaður af persónulegum kynnum við manninn, en mér finnst hann vera snillingur. Hann mun ekki leggja af stað til þess að hengja bara einhverja, en hann mun heldur ekki leyfa mönnum að komast upp með neitt kjaftæði.

Ég ætla að láta staðar numið hér. Hægt væri að nefna marga fleiri, sérstaklega þá úr dómarastétt, sem koma til greina. Ég er spenntur fyrir að lögmaður fái þetta hlutverk en gallinn er sá að mjög margar lögmannsstofur, sérstaklega þær stærstu, hafa tengst bönkunum.

Það eykur líka spennuna að allir flokkar á Alþingi eiga að fá að segja sitt álit, svo að það verður smá skammtur af pólitík í þessu líka.

Stóra spurningin er svo aftur, hver vill embættið? Er ekki tryggt að viðkomandi verður alltaf hengdur af múgnum og fjölmiðlum ef hann tjargar ekki og fiðrar alla útrásarsnillingana, sama hvað tautar og raular. Kannski ekki spennandi vinnuumhverfi þessi múgæsing sem er í gangi, þó vissulega sé tilefni til ákveðinnar reiði.

Embætti sérstaks saksóknara auglýst

Ég er aðdáandi beggja...

...og vil fá þá báða til Liverpool.

There. I said it. Nú megið þið gera grín að mér.

Wenger sagður ætla að losa sig við Gallas og Bendtner

Fundur ársins?

Hvað getur maður sagt?

Ástæður þess að Hálfdrættingurinn ætti að segja af sér eru orðnar svo margar að mér endast ekki fingurnir til að telja þær allar.

Það er eiginlega sorglegast að það væri best fyrir hann sjálfan pólitískt. Hefði a.m.k. verið það ef hann hefði fattað að gera það nógu snemma.

Nú hangir hann bara í stólnum. Eina skynsamlega ástæðan sem ég sé er að í ljósi hækkunar gjaldeyrislána á húsinu hans, þá megi hann ekki við að lækka í launum.

Viðbót 13:08:

Þessi fréttaskýring segir svo meira en mörg orð.

Viðbót 13:18

Af hverju er ekki hægt að setja tengil á einstakar fréttir á Vísi? Ég reyni núna að vista þessa skemmtilegu fréttaskýringu sem skjal og hengja það við færsluna. Sjáum til.

Veita enn ekki viðunandi svör

Skrár tengdar þessari bloggfærslu:

• Fréttaskýring á Vísi

Körfubolti

Ég hef gaman af körfubolta og þegar mínum mönnum í Hetti gengur ekki of vel (eins og núna í bili) þá skoða ég bara útlenskan körfubolta.

Ég er yfirleitt ekkert mjög hrifinn af sýndarmennsku, en þetta er rosalegasta troðsla sem ég hef séð. Þetta er bara asnalegt...

Svo er ég hrifinn af Tyler Hansborough. Hann spilar í háskólaboltanum og ákvað að klára skólann í stað þess að hætta og reyna fyrir sér í NBA. Illar tungur segja reyndar að það sé vegna þess að hann muni ekki vera jafn afgerandi leikmaður í NBA og hann er í háskóla. Hann sé of lítill til að ráða við stóru kallana þar og ekki nógu snöggur eða góð skytta til að fara að spila gegn minni mönnum.

Hvað sem því líður er þetta skemmtileg troðsla hjá honum. Aðallega vegna þess að fyrir honum er Kenny nokkur George sem er víst um 235 cm á hæð (7-7 til 7-9). Hann varð hins vegar fyrir þvi á þessu ári að fá slæma sýkingu og þurfti að taka af honum annan fótinn. Sorglegt. hefði verið gaman að sjá hvað hægt hefði verið að gera úr honum á körfuboltavellinum. Hér er smá umfjöllun um strákgreyið, áður en hann lenti í þessum hremmingum.

Síðasta hálmstráið

Opinber embættismaður hefur viðurkennt að vera að stunda pólitík í sínu embætti.

Ég eggja Geir Hilmar Haarde nú lögeggjan að láta manninn fara. Annars megi hann sitja undir því alla ævi að hafa verið of hræddur við endurkomu Davíðs til að gera það sem rétt og augljóst er.

Megi skömm hans uppi um aldir alda ef ekki verður eitthvað gert.

Miserfitt að hætta í pólitík

Topp fimm plús fimm

Þá er komið að næsta topp fimm lista hjá mér. Yfirlýstur tilgangur þessara lista er að sýna fram á hversu undarlegur ég er. Ég held að þessi listi verði engin vonbrigði.

Listi dagsins er sem sagt Topp fimm guðdómlegar finnskar rokkhljómsveitir plús fimm...

Já topp fimm var ekki nóg til að draga fram í dagsljósið alla gullmola finnskrar rokkmenningar. Svo ég set hér fram topp fimm plús fimm.

5. Teräsbetoni - Missä miehet ratsastaa

Já þeir fóru í Eurovision. Já nafnið þýðir bókstaflega járnbent steinsteypa. Já þetta myndband er með því hallærislegra. En þeir eru samt flottir.

5. Tarot - Ashes to the Stars

Þessir hafa verið á fullu í meira en 20 ár og eru ekkert að slaka á.

5. Sonata Arctica - Don´t say a word

Ekki segja orð, því engin orð lýsa þessu. Þú verður að hlusta.

5. Lordi - Would you love a monsterman

Skrýmslin sem unnu Eurovision eru að reyna að verða heimsfræg. Ég veit ekki hvernig þeim gengur en það var mjög súrt að sjá þá spila hjá Conan O´Brien....

5. Ari Koivunen - Keepers of the night

Strákurinn varð frægur af því að vina finnska Idolið. Finnar eru svo töff, meia að segja Idolið þeirra rokkar.

5. Nightwish - Nemo

Þetta er eiginlega toppurinn. Samt ekki jafn flott hljómsveit eftir að þeir skiptu um söngkonu. En hérna fáið þið á sjá þá gömlu góðu.

4. HIM - Wicked game

Þetta gerist ekki mikið meira emo en þetta. Svartklæddar táningsstúlkur gráta sig í gang á morgnanna við þetta lag.

3. Apocalyptica - Master of Puppets

Hvernig er hægt að rokka svona svakalega með því að spila á fjögur selló? Þeim tekst það samt. Og í seinni tíð hafa þeir heldur ekki einskorðað sig við að gera ábreiður af Metallica lögum eins og þessu. En það er nú eiginlega samt alltaf flottast.

2. Stratovarius - Black diamond

Þeir eru gamlir en magnaðir. Nafnið eitt er líka nógu svalt til að verðskulda sæti á listanum.

1. Northern Kings - We don´t need another Hero

Finnsk ofurhljómsveit (allir meðlimir eru í öðrum þekktum hljómsveitum) spila ábreiðu af lagi með Tinu Turner. Engin orð...

 

Hvað er þetta Baldur?

Ég veit ekki hvort Baldur blaðamaður notar aðra heimild, en ég ítreka fyrra blogg mitt um sinnepið hans Obama.

Hann fékk sér Dijon! Og gerði svo létt grín að taugatrekkta aðstoðarmanninum. Sjá hér.

Obama og sinnepið